ಕೋಳಿ ಸಾಕಣೆ, ಕುರಿ-ಮೇಕೆ ತಳಿ ಸಂವರ್ಧನೆ, ಪಶು ಆಹಾರ, ಮೇವು ಅಭಿವೃದ್ಧಿ ಕ್ಷೇತ್ರದಲ್ಲಿ ಗ್ರಾಮೀಣ ಯುವಕರನ್ನು ಪ್ರೋತ್ಸಾಹಿಸಲು ಕೇಂದ್ರ ಸರಕಾರ ಈ ಯೋಜನೆ ಜಾರಿಗೊಳಿಸಿದ್ದು; ಮೂಲ ಬಂಡಾವಳದಲ್ಲಿ ಶೇ.50ರಷ್ಟು ಸಹಾಯಧನವನ್ನು ಫಲಾನುಭವಿಗಳು ಪಡೆಯಬಹುದು. ಯಾರೆಲ್ಲ ಈ ಯೋಜನೆ ಲಾಭ ಪಡೆಯಬಹುದು? ಮಾನದಂಡಗಳೇನು? ಸಾಲ ಮಂಜೂರಾತಿ ವಿವರಗಳು ಇಲ್ಲಿದೆ...
ಕುರಿ, ಮೇಕೆ, ಕೋಳಿ, ಪಶು ಆಹಾರ ಮತ್ತು ಮೇವು ಅಭಿವೃದ್ಧಿಯಲ್ಲಿ ಗ್ರಾಮೀಣ ಯುವಕರನ್ನು ಸ್ವಯಂ ಸಕ್ರಿಯಗೊಳಿಸುವುದು ಹಾಗೂ ಈ ಕ್ಷೇತ್ರದಲ್ಲಿ ಉದ್ಯಮಶೀಲರನ್ನು ಪ್ರೋತ್ಸಾಹಿಸುವ ಹಿನ್ನಲೆಯಲ್ಲಿ ಕೇಂದ್ರ ಸರಕಾರವು ‘ರಾಷ್ಟ್ರೀಯ ಜಾನುವಾರು ಮಿಷನ್’ (NATIONAL LIVESTOCK MISSION-NLM) ಯೋಜನೆ ಜಾರಿಗೊಳಿಸಿದೆ.
ಸದರಿ ಯೋಜನೆಯು 2021-22ನೇ ಸಾಲಿನಿಂದ 2025-26ನೇ ಸಾಲಿನ ವರೆಗೆ ಚಾಲ್ತಿಯಲ್ಲಿರುತ್ತದೆ. ಈ ಯೋಜನೆ ಅನುಷ್ಠಾನ ಜಾರಿಗೆ ಮೂಲ ಬಂಡಾವಾಳದಲ್ಲಿ ಶೇ.50ರಷ್ಟು ಸಹಾಯಧನವನ್ನು ಎರಡು ಕಂತುಗಳ ರೂಪದಲ್ಲಿ ಫಲಾನುಭವಿಗಳಿಗೆ ಒದಗಿಸಲಾಗುವುದು.
ಇದನ್ನೂ ಓದಿ: ಸೋಲಾರ್ ಕರೆಂಟ್ ಕೃಷಿ | ಬೆಸ್ಕಾಂ ಸೋಲಾರ್ ಸ್ಕೀಮ್ | ನಿಮ್ಮ ಮನೆ ಮೇಲೆಯೇ ವಿದ್ಯುತ್ ಉತ್ಪಾದಿಸಿ ಮಾರಾಟ ಮಾಡಿ...
ಯೋಜನಾ ಘಟಕಗಳ ವಿವರ
ರಾಷ್ಟ್ರೀಯ ಜಾನುವಾರು ಮಿಷನ್ ಯೋಜನೆಯ ‘ಉದ್ಯಮಶೀಲತೆ ಅಭಿವೃದ್ಧಿ ಕಾರ್ಯಕ್ರಮ’ದಡಿಯಲ್ಲಿ (NLM - EDEG) ಗ್ರಾಮೀಣ ಕೋಳಿ ಸಾಕಾಣಿಕೆ, ಕುರಿ, ಮೇಕೆ, ಹಂದಿ ಸಾಕಾಣಿಕೆ ಮತ್ತು ರಸಮೇವು ಉತ್ಪಾದನೆ ಘಟಕಗಳನ್ನು ಆರಂಭಿಸಲು ಆರ್ಥಿಕ ನೆರವು ಲಭ್ಯವಿದೆ. ಆಸಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಈ ಯೋಜನೆಯಡಿ ಆರ್ಥಿಕ ಸೌಲಭ್ಯ ಪಡೆಯಬಹುದಾಗಿದೆ.
ಈ ಯೋಜನೆಯಡಿ ಈ ಕೆಳಕಂಡ ಪಶುಸಂಗೋಪನಾ ಚಟುವಟಿಕೆಗಳನ್ನು ಉದ್ಯಮಶೀಲ ಕಾರ್ಯಕ್ರಮಗಳನ್ನಾಗಿ ಕೈಗೊಳ್ಳಲು (ಯಾವುದಾದರೂ ಒಂದು ಚಟುವಟಿಕೆಗೆ ಮಾತ್ರ) ಯೋಜನಾ ವೆಚ್ಚದ ಶೇ.50ರಷ್ಟು, ಸಾಲ ಸೌಲಭ್ಯ ಹಾಗೂ ತಾಂತ್ರಿಕ ಸಹಾಯವನ್ನು ನೀಡಲಾಗುವುದು. ಯೋಜನೆ ಮಾರ್ಗಸೂಚಿ ಹೀಗಿವೆ:
ಗ್ರಾಮೀಣ ಕೋಳಿ ಉದ್ದಿಮೆ ಅಭಿವೃದ್ಧಿ (1000 ದೇಶಿ ಮಾತೃಕೋಳಿ ಘಟಕ + ಹ್ಯಾಚರಿ ಘಟಕ + ಮರಿಗಳ ಸಾಕಾಣಿಕೆ ಘಟಕ)
ಘಟಕದ ವೆಚ್ಚ : 34,75,540-/
ಸಹಾಯಧನ : ಶೇ.50ರಷ್ಟು, ಒಂದು ಘಟಕಕ್ಕೆ ಗರಿಷ್ಠ ರೂ.25 ಲಕ್ಷ
ಕುರಿ-ಮೇಕೆ ತಳಿ ಸಂವರ್ಧನಾ ಘಟಕ (500+25)
ಘಟಕದ ವೆಚ್ಚ : 87,30,00-/
ಸಹಾಯಧನ : ಶೇ.50ರಷ್ಟು, ಒಂದು ಘಟಕಕ್ಕೆ ಗರಿಷ್ಠ ರೂ.50 ಲಕ್ಷ
ಹಂದಿ ತಳಿ ಸಂವರ್ಧನಾ ಘಟಕ (100+10)
ಘಟಕ ವೆಚ್ಚ : ಶೇ.50ರಷ್ಟು, ಒಂದು ಘಟಕಕ್ಕೆ ಗರಿಷ್ಠ ರೂ.30 ಲಕ್ಷ
ಸಹಾಯಧನ : 50,29,400-/
ರಸಮೇವು ಉತ್ಪಾದನಾ ಘಟಕ ( 2000-2500 . ಉತ್ಪಾದನೆ)
ಘಟಕ ವೆಚ್ಚ : ಶೇ.50ರಷ್ಟು, ಒಂದು ಘಟಕಕ್ಕೆ ಗರಿಷ್ಠ ರೂ.50 ಲಕ್ಷ
ಸಹಾಯಧನ : 50,000,00-/
ಇದನ್ನೂ ಓದಿ: ಕಡಿಮೆ ಬಡ್ಡಿ ದರದಲ್ಲಿ ಗೃಹ ಸಾಲ ಪಡೆಯುವ ಸರಳ ವಿಧಾನ | ಸರಳ ಬಡ್ಡಿಯಲ್ಲಿ ಗೃಹಸಾಲ ನೀಡುವ ಬ್ಯಾಂಕ್‌ಗಳ ಪಟ್ಟಿ
ಸಲ್ಲಿಸಬೇಕಾದ ದಾಖಲಾತಿಗಳು
* ಯೋಜನಾ ವರದಿ
* ಭೂ ದಾಖಲೆಗಳು
* ಘಟಕ ಸ್ಥಾಪಿಸಲು ಉದ್ದೇಶಿಸಿರುವ ಸ್ಥಳದ ಜಿಪಿಎಸ್ ಫೋಟೋ
* ಪ್ಯಾನ್ ಕಾರ್ಡ್
* ಆಧಾರ್ ಕಾರ್ಡ್
* ಚುನಾವಣೆ ಗುರುತಿನ ಚೀಟಿ
* 3 ವರ್ಷಗಳ ಆದಾಯ ತೆರಿಗೆ ಪಾವತಿಸಿರುವ ವರದಿ
* 6 ತಿಂಗಳ ಬ್ಯಾಂಕ್ ವಹಿವಾಟು ವಿವರ
* ರದ್ದುಪಡಿಸಿದ ಬ್ಯಾಂಕ್ ಚೆಕ್ ಹಾಳೆ (Cancelled cheque)
* ಪಾಸ್ ಪೋರ್ಟ್ ಅಳತೆಯ ಫೋಟೋ
* ವಿದ್ಯಾರ್ಹತೆ ಬಗ್ಗೆ ಪ್ರಮಾಣ ಪತ್ರ
* ತರಬೇತಿ ಪ್ರಮಾಣ ಪತ್ರ
* ಅನುಭವ ಹೊಂದಿರುವ ಕುರಿತು ಪ್ರಮಾಣ ಪತ್ರ
ಹೆಚ್ಚಿನ ಮಾಹಿತಿಗೆ ಪಶುಪಾಲನೆ ಹಾಗೂ ಪಶುವೈದ್ಯಕೀಯ ಸೇವಾ ಇಲಾಖೆ ತಾಲ್ಲೂಕು, ಜಿಲ್ಲಾ ಕಚೇರಿ ಅಧಿಕಾರಿಗಳನ್ನು ಭೇಟಿ ಮಾಡಿ...
ರಾಷ್ಟ್ರೀಯ ಜಾನುವಾರು ಮಿಷನ್ ಯೋಜನೆಯ ಬಗ್ಗೆ ಮತ್ತಷ್ಟು ತಿಳಿಯಲು ಹಾಗೂ ಈ ಯೋಜನೆಯಡಿ ಆರ್ಥಿಕ ನೆರವಿಗಾಗಿ ಅರ್ಜಿ ಸಲ್ಲಿಸಲು ಇಲ್ಲಿ ಕ್ಲಿಕ್ ಮಾಡಿ...
ಇದನ್ನೂ ಓದಿ: ಹಸು, ಎಮ್ಮೆ ಶೆಡ್ ನಿರ್ಮಾಣಕ್ಕೆ ₹57,000 ಆರ್ಥಿಕ ನೆರವು | ಹೀಗೆ ಅರ್ಜಿ ಸಲ್ಲಿಸಿ...